Posta” qəzetinin verdiyi məlumata görə, İordaniyanın paytaxtı Əmmanın cənubundakı Madaba şəhərində 37 yaşlı taksi sürücüsü Sami Mayayah ötən həftə yoxa çıxıb. Onun taksisi isə kimsəsiz yerdən tapılıb.
Hadisədən dörd gün sonra taksi sürücüsünün meyiti aşkarlanıb. Polis əməkdaşları ilkin araşdırmalardan sonra 17 və 18 yaşlı iki gənci şübhəli kimi saxlayıb. Əmmanda ingilis dilində nəşr olunan “The Jordan Times” qəzetinin internet saytında yerləşdirilmiş məlumata görə, cinayətlərini etiraf edən gənclər “Kurtlar Vadisi” serialından ruhlandıqlarını bildiriblər. Onlar cinayət günü taksi sürücüsündən bölgədə qadınlara sataşan bir neçə nəfər haqqında məlumat almaq istəyiblər. Sami Mayayah onlara lazım olan məlumatları vermədiyindən onu öldürüblər.
Şübhəlilərin saxlanması xəbəri yayılandan dərhal sonra şəhərdə iğtişaşlar başlayıb. Bir qrup gənс küçələrdə təkərlər yandırıb, polis məntəqələrinə, mağazalara və evlərə hücum edib. Şəhərdə asayişi bərpa etmək üçün zirehli texnikadan istifadə olunub.
Qeyd edək ki, “Kurtlar Vadisi” serialı onlarla ərəb ölkəsində dublyajla nümayiş etdirilir. Ərəbcə adı “Vadi El Diap” olan serialın qəhrəmanı Polat Alemdar obrazı isə ərəb dünyasında Murad Alemdar kimi tanınır.
mənbə: xezerxeber.com
